“Kinemaja nën yje”, alternativa e duhur për adhuruesit e filmit

E shtuna në Tiranë sjell një alternativë ndryshe për të gjithë adhuruesit e kinemasë… Një grup të rinjsh me ide inovatore kanë menduar që t’i shtojnë kalendarit kulturor të kryqytetit një kinema verore. Në një kohë si kjo ku thuajse e gjithë popullsia është e përqendruar tek Kampionati Europian dhe zonat e krijuara për tifozerinë në disa sheshe të Tiranës, një tjetër alternativë ofrohet për ata që nuk janë adhurues të sportit, por dashurojnë pafund artin. “Kinemaja nën yje” do të sjellë çdo fundjavë në “Sheshin Skënderbej” filma ‘hit’ që mund t’i kemi parë një herë, por që me shumë qejf do t’i shihnim sërish, këtë herë nën shoqërinë e yjeve, dritave të qyetit dhe shumë shokëve e miqve, që ashtu si ne e duan filmin. Dhe që të mos harrojmë, pjesëmarrja është e lirë për të gjithë të interesuarit.