Futbollisti Xherdan Shaqiri ka komentuar me ironi atë që i ndodhi dje shokëve të tij të skuadrës, Granit Xhaka, Admir Mehmedit dhe Breel Embolo, të cilët ndërruan disa herë fanellat sepse iu grisën.
“Shpresoj që “Puma” të mos prodhojë prezervativë”, ka thënë Shaqiri duke ironizuar me cilësinë e fanellave të kompanisë “Puma”, e cila është kontraktuar nga federata zviceriane për të prodhuar fanellat e ekipit kombëtar. Por lidhur me këtë incident ka pasur reagim edhe nga përfaqësues i kompanisë “Puma”.
“Janë 5 skuadra që luajnë me fanellat e Puma-s dhe askush nuk ka pasur probleme. Nuk e dimë as ne se cili është problemi me uniformat zvicerane, por kur të kemi një përgjigje do ta bëjmë publike menjëherë”, sqaron kompania.
