Reperi kosovar 2po2 përveçse shumë i suksesshëm në zhanrin që lëvron, di të jetë një familjar i devotshëm dhe i përkushtuar ndaj partneres. Herë pas here këngëtari ndan foto me djemtë dhe bashkëshorten e tij nëpër rrjete sociale, duke dhënë një mesazh shumë të fortë për të gjithë fansat dhe adhuruesit. Në plan të parë familja, e të tjerat vijnë me radhë.
Por dita e sotme është e veçantë për reperin, pasi gruaja e tij ka ditëlindjen. Ndaj dhe ai i ka kryer detytyrat që në orët e para të mëngjesit. Me një buqetë lulesh simbolike 2po2 është drejtuar për në shtëpi për të surprizuar partneren. E në fakt kush është ajo femër që nuk do mrekullohej nga një gjest i tillë romantik.
Reperi nuk ka nguruar ta ndajë dhuratën dhe këtë ditë speciale me miqtë e tij, të cilët menjëherë pas postimit e kanë urur me dashamirësi.
