Mila Kunis ka folur rreth marrëdhënies së saj me Ashton Kutcher në numrin e fundit të revistës “Glamour”. Mesa duket nuk ishte një dashuri me shikim të parë. Mila dhe Ashton nisën të miqësoheshin me njërit-tjetrin gjatë kohës që punuan së bashku në “That ’70s Show” por pas kësaj ata patën një miqësi të mbushur me zënka.
“Gjatë një periudhe mendoja se ai ishte i çmendur. Ndërkohë që po shijonte majat e suksesit të karrierës së tij, unë reagoja ashpër ndaj tij duke i thënë se nuk e njihja më fare dhe se kishte ndryshuar shumë. Më pas pajtoheshim dhe i kërkoja falje për sjelljen time. Eshtë mrekullli të martohesh me shokun tënd më të mirë”.
“Nuk mund ta mashtrojmë njëri-tjetrin. Sinqerisht nuk mund ta gënjej dot për asgjë. Ai më telefonon të më tregojë çdo gjë, ashtu si edhe unë. Nuk ka asgjë që ne nuk dimë për njëri-tjetrin sepse kemi shumë kohë që njihemi. I dimë të shëmtuarat, të këqijat dhe të mirat e njëri-tjetrit”.
Aktorja hollivudiane është në pritje të fëmijës së saj të dytë me aktorin dhe vazhdojnë të kenë një marrëdhënie të mrekullueshme.
“Kam një suport të madh në familje, dua të them që bashkëshorti im është i mrekullueshëm”.
