Nëna e ardhshme e fëmijës së Nick Young, Keonna Green, ka thyer heshtjen lidhur më dhënien fund të fejesës së Nick me Iggy Azalea. Keonna ka konfirmuar shtatzaninë e saj duke thënë se është në pritje të fëmijës së saj të dytë me basketbollistin dhe është 22-javëshe. Green është në pritje të një vajze. “Eshtë 200% vajza e Nick”, ka thënë ajo për “Us Weekly”. “Më ka mbështetur shumë për çdo gjë. Ai e kishte të pamundur ta përballonte marrëdhenien e tij me një personazh publik”. Bukuroshja brune ka zbuluar se ajo u ribashkua me babain e fëmijës së saj shtatorin e kaluar, vetëm 3 muaj pasi i kishte propozuar Azalea. “Ndodhi pa e kuptuar. Edhe pse shpesh herë i thosha Nick se duhet të ishim të sinqertë me Iggy, ai shprehej se nuk donte ta dëgjonte më të flitej për këtë gjë”. Green shton gjithashtu se ajo ëshë përpjekur disa herë të lidhet me reperen australiane por kurrë nuk mori një përgjigje.
Nëna e ardhshme e fëmijës së Nick Young, thyen heshtjen
