‘Shkëndija’ mes Chris Brown dhe Rita Orë-s

Ardhja e Chris Brown në qytetin e Durrësit mbrëmjen e kaluar jo vetëm ka ndezur atmosferën duke na argëtuar të gjithëve por gjithashtu është bërë shkak për përhapjen e aludimeve mes një lidhjeje të mundshme mes tij dhe bukuroshes sonë Rita Ora. Disa orë më parë Rita Ora ka postuar një foto në instagram ku na shpreh keqardhjen për faktin se nuk mund të ishte në Shqipëri mbrëmjen e 8 korrikut për të argëtuar fansat por edhe per të përkrahur Chris Brown live. Në të njëjtën kohë këngëtari postoi një video të Rita Orë-s në profilin e tij ku ajo shihej duke kërcyer nën ritmet e hiteve të Chris Brown. Menjëherë media ka spekuluar për një romancë të mundshme të tyre. Ata gjithmonë e kanë pranuar se janë shokë shumë të mirë por këto veprime në sytë e fansave duken shkëndija që mund të ndezin një lidhje dashurore në të ardhmen.