Në një lidhje tashmë të konsoliduar prej disa vitesh, duket se Xhensila Myrtezaj dhe Bes Kallaku po mendojnë që dalëngadalë ta finalizojnë dëshirën e tyre për të qenë një familje e vërtetë, vecanërisht pas deklaratave për martesë vitin e ardhshëm.
“Sa më shumë kalon koha, aq më shumë unë dhe Besi e ndjejmë të nevojshme, ora biologjike do vijë shumë shpejt. Nuk jam shtatzënë, por dëshira është që në një ardhme të afërt, pse jo?…”, ka treguar këngëtarja në një intervistë për Prive.
Sa për martesën, ajo është shprehur që dëshiron dicka shumë private, ndonëse një ceremoni të madhe: “Do të doja shumë që të ishte më shumë intime se sa mediatike, më shumë shpirtërore se sa publicitare. Që do ketë njerëz, do ketë, që do jetë e madhe, do jetë, por sa do jetë mediatike…Do mundohemi shumë që ta mbajmë nën kupolën tonë”, – tregon ajo gjatë intervistës.
