Ndoshta për një pjesë të mirë të njerëzve 10 Korriku ka qenë një ditë e zakonshme, por jo për Luana Vjollcën. Ajo, sapo ka filluar pushimet në ishullin grek të Santorinit, në privatësi të plotë (të paktën Marinën e dimë që nuk e ka me vete). Edhe pse nuk dihet se cili është shoqëruesi, Luana ka dëshirë të luajë dhe argëtohet me fansat për këtë pjesë, madje sa më shumë kureshtarë të ketë, aq më shumë hermetike e mban ajo jetën private, shkruan ‘Revista Class’. Megjithatë, me datën e sotme Luana duket të ketë një lidhje të veçantë, një ngjarje a një simbolikë. Po t’u kthehemi pak pas fotove të postuara prej saj, rreth dy javë më parë, moderatorja e Top Channel ka postuar një foto pas së cilës shkruan: “Nga dje, në 10 korrik…” Askush nuk e ka kuptuar se çfarë ka dashur të thotë, madje as nga etiketimet që bën (Dolce & Gabbana, Stefano Gabbana dhe dyqanit, që me sa kuptohet, është ai ku moderatorja ka blerë veshjen Dolce & Gabbana). Por dje ka postuar një foto tjetër duke shënuar pikërisht datën: “10.07.2016”. Nuk dihet nëse e djeshmja shënon ndonjë ngjarje të veçantë në jetën personale të Luanës, por kuptohet që ajo këtë pjesë do që ta ruajë ende mister.
