Kohët e fundit, klikimet e klipeve të këngëtarëve shqiptarë kanë filluar të kapin shifra marramendëse. Në vetëm dy javë, Enca, Noizy, Geti, Majku etj. arrijnë të marrin 10 milionë klikime, ndërkohë që popullsia shqipfolëse është rreth 15 milionë në të gjithë botën. Si ia dalin të marrin kaq shumë klikime këngëtarët tanë? A i kanë të vërteta? Një dyshim të tillë ka hedhur Labeli i hip- hopit shqiptar, “The Bloody Alboz” (TBA), me një postim në rrjetet sociale, ku kanë goditur skenën muzikore shqiptare. TBA, në një postim në rrjetin social “Facebook”, kanë ironizuar me skenën muzikore shqiptare. Sipas TBA, është e pamundur që të bëhen kaq shpejt klikimet në tregun shqiptar, madje më shpejt se artistët amerikanë, të cilët paraqiten në tregun botëror dhe kanë më shumë audiencë se ne “Tregu muzikor amerikan do të kyçet në tregun muzikor shqiptar”, është ironia e përdorur nga TBA. Por, nga ana tjetër, dimë që Youtube nuk lejon të blihen klikimet, kështu që ky dyshim mund të jetë i pabazuar./ Panorama
