Zënkat e klanit Kardashian nuk kanë të sosur. Këtë herë protagoniste është bërë Khloe e cila ka ngritur shpatën kundër aktores Chloë Moretz. Kjo ka ardhur si pasojë e disa komenteve që aktorja ka postuar në twitter në lidhje me mosmarrëveshjet Kim vs Taylor.
” Të gjithë në këtë industri kanë nevojë ta heqin kokën nga vrima, dhe të shikojnë përreth për të kuptuar se çfarë po ndodh vërtetë me botën reale. Mjaft humbët kohën me diçka kaq pak të rëndësishme”- shkroi ajo në dy tweets të njëpasnjëshme.
Por ky koment duket se nuk i ka pëlqyer Khloe, dhe ka dal në mbrojtje të motrës së saj. Ajo ka përdorur disa imazhe që në të vërtetë janë të partneres së Brooklyn Beckham në një situatë jo fortë të këndshme me mesazhin: ” Kjo është vrima të cilës i referoheshe?” Një hakmarrje kjo ndaj kritikave të vazhdueshme për zhveshjet e Kimit në Instagram.
Por për fatin e saj të keq çdo gjë u kthye kundër saj. Pasi ato foto nuk i përkisnin aktores, madje ka një sërë fotosh të tjera që e vërtetojnë këtë, ku pjesa e poshtme e bikinit ka ngjyrë tjetër nga pjesa e lartme.
”Sigurohu para se të flasësh Khloe:
1.Fotografia e parë i takon filmit Neighbors.
2.Dhe e dyta është një vajzë e fotografuar në një moment të keq- është përgjigjur qetë aktorja.
