Bionde, sy blu dhe një trup të imët, ky është përshkrimi i kukullës më të famshme në histori, që ne mbajmë mend, ose më saktësisht që kur doli në treg në vitin 1959. Por, kjo gjë ndryshoi kur kompania Mattel, nisur nga niveli i ulët i shitjeve, në vitin 2015 përdori një strategji të re mbi femrën reale, bazuar në shumëllojshërinë e tyre.
Më parë, tregu ka qenë dëshmitar i modeleve të kukullave me silueta, tipare e veshje nga më perfektet, por që nga dita që revista Time publikoi ” Barbie ka një trup të ri’, kjo ide u mirëprit me krahëhapur. Aq sa në 12 muajt e fundit, që përkojnë edhe me ndryshimet, shitjet kanë pësuar një rritje të madhe me 23%.
Rezultate këto që kanë qetësuar kompaninë nga humbjet e pësuara më parë, dhe që tregojnë qartë se 2016 është një ringjallje dhe se Barbie e re nuk dëshiron më të jetë perfekte. Ajo thjesht dëshiron të jetë normale.
Kjo ide e kukullës perfekte që dëshiron të jetë normale, tregon realitetin e hidhur të qenies humane që dëshiron të jetë përfekte si kukulla, ironike apo jo?!
