Pas garës dhe suksesit në spektaklin “Amici”, pas të cilit u bë pjesë edhe e trupës profesioniste të baletit, balerina e njohur Klaudia Pepa nuk e ka lënë me kaq ambicien për profesionin dhe, për më tepër, në një vend si Italia. Prej kohësh tashmë, Klaudia e ndan jetën e saj mes Italisë dhe Shqipërisë, por karriera artistike në vendin fqinj tani ia ka forcuar edhe më shumë idenë për të investuar më shumë atje.
Në profilin e saj në Instagram, Klaudia sapo ka dhënë një lajm të bukur për projektin e ri që ka në plan ta kristalizojë së shpejti. Siç njofton vetë ajo, së shpejti ka në plan të hapë një shkollë baleti: “LAJM I RI… Së shpejti do të hap shkollën time të baletit në Itali. Kam nevojë për ju që të më këshilloni për emrin e shkollës. Pres sugjerime nga ju, puthje” – shkruan balerina në Instagram.
Menjëherë kanë filluar urimet dhe përgëzimet për këtë projekt që ka në plan, madje shumë prej tyre edhe kanë sugjeruar për emrin e shkollës. / revistaclass.al
