Këngëtarja e mirënjohur Era Istrefi ka qenë e ftuara speciale në emisionin e bloggerit amerikan, Perez Hilton, në një nga web- faqet live më të famshme në botë. Era dhe Perez gjatë bisedes kanë folur për hitin “Bon Bon”, projektet e saj në të ardhmen, si dhe angazhimin e saj në SHBA.
Hilton duke përgëzuar Istrefin për punën e saj, si atë në projektin e fundit “Bon Bon”, ka pyetur atë nëse është në dijeni që kënga e saj po dëgjohet edhe në vendet më të largëta të botës.
“Kënga “Bon Bon” është dëgjuar nga njerëz të shumtë, në vende të ndryshme të botës, nga kultura të shumta. Kënga më ka pëlqyer edhe mua shumë, po ashtu edhe remiksi i ri që keni realizuar”, ka thënë ai.
Prezantuesi ka qenë i interesuar të dijë se kur pritet të kemi ndonjë projekt të ri nga ajo.
“Po mësoj shumë prej vetes, po rritem e po zhvillohem. Po mendoj të realizoj ndonjë projekt, ndonjë bashkëpunim”, ka vlerësuar Era.
Hilton ka dashur të dijë se si është realizuar klipi i “Bon Bon”, nëse është skenë e improvizuar apo natyra qetë.
“Klipin e kam relizuar për 30 minuta pasi që koha ka qenë shumë ftohtë, është realizuar në natyrë dhe nuk ka t’bëjë me montazh”, ka treguar këngëtarja.
E pytetur se cilin nga këngëtaret shqiptar do t’ia rekomandonte, Era është përgjigjur: “Ledri Vula dhe Nora Istrefi. Që të dy këndojnë shumë mirë dhe janë shumë ndryshe nga unë”.
Istrefi gjatë këtij emisioni ka treguar se është në përgatitje të projektit të saj më të ri.
“Qëllimi i udhëtimit për në LA është që të bëjë muzikë për fansat e mijë. Qe dy javë jamë duke punuar cdo ditë. Lansimi i këngës tjetër pritet të bëhet, por periudhën s’mund ta them pasi që po mundohem të krijojë kontakte me sa më shumë njerëz”. /Indeksonline
