Arrestohet aktorja e humorit, në gjendje të dehur përplasi 3 makina

Aktorja e humorit Ina Gjonçi, 32 vjeçe nga Durrësi është arrestuar nga policia ditën e sotme, pasi ka përplasur makinën e saj me trafikndarësen e më pas me tre makina të tjera. Sipas policisë ajo ka qenë në gjendje të dehur. Raportohet se dëmet janë të mëdha dhe dy automjetet e përplasura ishin luksoze, shkruan “Jeta osh qef”. Vetë aktorja e cila është pjesë e trupës së aktorëve të spektaklit të humorit në Durrës, është shtruar në spital. Përplasja ka ndodhur afër zonës së Currilave, ndërkohë që aktorja 32-vjeçare po drejtonte makinën e saj tip “Opel” me targa AA 155 EU.