Janë bashkë prej 15 vitesh dhe gjithashtu një nga çiftet më të dashura të Hollywood-it. Lajmi rreth martesës së tyre ka surprizuar, pasi çifti i njohur ka deklaruar ndër vite se nuk kanë nevojë për një copë letër, e cila do të tregojë dashurinë e tyre. Por diçka është ende e paqartë. Bëhet fjalë për Enrique Iglesias dhe Anna Kournikova, të cilët ose janë martuar, ose po përgatiten për t’u martuar. Një deklaratë nga ana e këngëtarit mjaftoi për t’i vënë zjarr një prej lajmeve më të shumëpritur. Pyetjes së gazetarit nëse ka plane të afërta për martesë, ai u përgjigj: “ Asnjë nuk e di se çfarë fsheh e ardhmja…ose e shkuara”, shkruan “Class”. Mesa duket këngëtari vetëm përmes një batute ka përcjellë mesazhin e tij.
