Rita tregon se si arrin të mbajë linjat e trupit: S’dua të jem e dobët

Padyshim që Rita Ora është një ndër femrat me pamjen dhe trupin më në formë dhe këtë mund ta vërtetoni shumë lehtë me anë të fotove të saj në rrjetet sociale. Në një intervistë për Cosmopolitan , kur është pyetur për kujdesin për të ruajtur linjat e saj ajo është shprehur që nuk është qëllimi i saj për tu dukur si një modele, përkundrazi ajo mundohet të jetë thjesht e shëndetshme. “Unë llogaris çfarë konsumoj duke e ndarë porcionin në gjysmë. Nëse dua të konsumoj një hamburger, thjesht marr një thikë dhe e pres në mes. Ose ka raste që nuk konsumoj bukën e hamburgerit. Nëse më ka vajtur mendja për patate të skuqura, sigurisht i konsumoj, thjesht nuk i shoqëroj me diçka tjetër”, – ka thënë këngëtarja për “Cosmopolitan”, shkruan “Albeu”. Por jo vetëm kaq, ajo është shprehur që ajo merret me aktivitet fizik si vrapi në natyrë, joga, ngjitja e maleve dhe aerobi dhe ka thënë se ndihet e lumtur me trupin e saj. “Unë nuk jam vajza më e dobët në botë, por në fakt as nuk dua të jem. Dua të jem e tonifikuar dhe jo e dobët. Këtë ua sugjeroj të gjithëve, sepse është më e shëndetshme”, – ka përfunduar ajo.