Blogger-ja e njohur e modës, Estela Ujka, ka shpërthyer sot në një reagim publik përmes rrjetit të saj social “Facebook” ndaj ligjit të vendosur nga qeveria shqiptare për taksimin e çdo pakoje, apo dhurate me vlerë mbi 22 euro. Ja çfarë shkruan Estela…
“Ky shtet (kur ve)ndos të miratojë një ligj, a nuk duhet të kishte menduar dhe për zbatimin e tij. Përveçse ligji i blerjeve online me tarifë 22 euro nuk është në favor të asnjë qytetari, është absurd. Shikoni procedurën që zbatohet aktualisht dhe rradhet në një birucë 2 me 2. Ti shkon deri në Kinostudio me një fletushkë që të ka sjellë posta dhe orari zyrtar është 9 me 11, orar kur qytetarët janë në punët e tyre. Atje dorëzon fletushkën dhe merr mbrapsht një numër me shkrim dore. Paraqitesh në bankë bën pagesën dhe duhet të shkosh sërish në Kinostudio, t’i tregosh letrën dhe të tërheqësh pakon. Për të gjitha këto duhet të jetë vetë personi me dokument identifikimi (jo patentë se shkon prapë në shtëpi). Ky është shteti që duam.
Pjesa e dytë e zhdoganimit të një pakoje. Ti paraqitesh në bankë, pret rradhën dhe kur paraqet fletushkën me shkrim dore, të thonë: je regjistruar në Doganë? Pra, para se të bësh pagesën duhet të shkosh në doganë dhe të paraqitesh me dokument identifikimi. D.m.th, Kinostudio – Doganë – Bankë – Kinostudio”.
