Pamjet e videos që gjeni më poshtë po bëjnë xhiron e botës, ku në to shihet se si momenti i gëzueshëm i ceremonisë martesore të një çifti, kthehet në tmerr. Ngjarja është shënuar në orët e para të mëngjesit të sotëm në provincën veriore të Turqisë, në qytetin Van. Në të shihet momenti kur ndërsa mbahej dasma ndodh një shpërthim dhe muzika e kërcimit pasohet nga britma dhe frikë, ndërsa shihet se si shkatërrohet lokali brenda. Tre të vdekur dhe 40 të plagosur është bilanci i atentatit të ndodhur në Turqinë lindore, pranë kufirit me Iranin, zonë ku u mbajt dhe dasma. Një makinë shpërtheu pranë një rajoni policie në provincën lindore të Van, në orët e para të mëngjesit të sotëm, shkruan “NOA”. Atentati është marrë përsipër nga militantët kurd të PKK. Zyrtarisht policia foli për një grup terrorist rajonal, fjalë të përdorura për të përkufizuar partinë e punëtorëve në Kurdistan. Tre personat e vrarë janë civilë, ndërsa dy nga 40 të plagosurit janë policë.
VIDEO/ Vallja e çiftit ndërpritet në mes, shikoni tmerrin që përjetuan dasmorët
