Albert Stanaj, këngëtari i talentuar me origjinë shqiptare i cili jeton në Amerikë, ka përlotur një prej drejtuesve më të famshëm amerikan, Elvis Duran. Teksa ka qënë duke drejtuar programin “Elvis Duran Show”, prezantuesi ka nisur të flasë për fenominin Stanaj, zëri i të cilit e ka bërë të përlotet. Në prezantimin e tij për Stanaj, ai përmend edhe origjinën e këngëtarit, duke thënë se është nga Shqipëria. “Zëri këngëtarit që më çmend është i këtij djali, emri i të cilit është Stanaj dhe është nga Shqipëria. Ai është fantastik”, shprehet Duran. Ndërkohë që në sfond luhet një këngë e performuar nga Stanaj, Elvis nis të qajë. “Hej me vjen keq por jam duke qarë, kjo është arsyeja pse e dua punën time shumë”, ka thënë drejtuesit i programit radiofonik duke shtuar: “Hej Stanaj mos më merr për një idiot por kështu ndihem”.Kjo video është publikuar në faqen zyrtare të stafit menaxhues të Stanaj dhe bashkangjitur shkruhet: “Kur Elvis Duran përlotet teksa flet për Stanaj në programin e tij radiofonik. Elvis, ti ke përlotur të gjithë familjen time sot. Zoti të bekoftë”.
