Këngëtarja shqiptare me famë botërore, ka ndarë me gjithë fansat kopertinën e albumit të saj të parë. Pas sukseseve të korura në Kosovë dhe Shqipëri ajo ka bërë me dije për fansat se titulli i albumit do ta personifikojë shumë atë si artiste. Bashkangjitur fotos së postuar në ‘Instagram’ ajo shkruan:
“Jam e lumtur të ndaj me ju kopertinën e albumit tim dhe t’ju falenderoj që jeni treguar kaq shumë të durueshem dhe që më keni mbështetur. Arsyeja pse mban si titull emrin tim është sepse ky album jam unë. Përfaqëson atë çfarë unë jam si person dhe si artiste”
Dua ka paralajmëruar gjithashtu projekin e saj më të ri muzikor i cili pritet të dalë së shpejti dhe që mban titullin “Blow Your Mind”.
