Grupi i mirënjohur i muzikës rock, Troja, kanë treguar se janë në hapat e fundit të publikimit të albumit të ri.
Edhe pse ka kaluar disa kohë që nga momenti që grupi ka lajmërur se ka nisur punën për këtë album, duket se më në fund, ai është gati.
Grupi ende nuk ka dhënë një datë të saktë të publikimit të këtij albumi, por përmes rrjeteve sociale, ai ka treguar se tashmë djemtë e këtij grupi kosovar janë duke bërë miksimin dhe masterizimin e tij.
Detajet e albumit nuk janë shumë të qarta, megjithatë më parë djemtë kanë njoftuar se pjesë e tij do të jenë gjithsej 9 këngë, 7 nga të cilat do të na vijnë në gjuhën shqipe, e dy të tjera në anglisht.
