Kristiana Saxobeat, kërcimtarja qe donte të bëhej e famshme duke sajuar një histori dashurie me Noizy-n, është arrestuar sot në Tiranë.
Zyrtarët blu bëjnë me dije se nga ana e specialistëve të komisariatit Nr 1 është bërë i mundur arrestimi në flagrancë e shtetases Kristjana Ibro, 18 vjeç, lindur në Korçë e banuese në Tiranë, e dënuar më parë për veprën penale ”drejtim mjeti pa leje drejtimi”- transmeton newsbomb.al.
Sipas policisë, arrestimi i saj është bërë nga shtetasi L.S, 46 vjeç, i cili ka kallëzuar se më datë 18.08.2016 në orët e para të mëngjesit në banesën e tij, kjo shtetase i ka vjedhur telefonin e markës iPhone 6S.
Sipas newsbomb.al, pas veprimeve të para hetimore u sekuestrua në cilësinë e provës materiale të kësaj shtetaseje telefoni i markës iPhone 6S.
Materialet i kaluan Prokurorisë pranë Gjykatës Shkallës Parë Tiranë, për hetime të mëtejshme për veprën penale ”Vjedhje”, parashikuar nga Neni 134 i Kodit Penal”, thuhet në njoftimin zyrtar të policisë.
