Miss Albania 2014 dhe ish-banorja e Big Brother, Xhensila Pere, duket se ka nisur një dashuri të re. Pas ndarjes me Fatjonin, lidhja me të cilin vijoi edhe për disa muaj pas daljes nga shtëpia e BB, Xhesi rrëfeu se jetoi një dashuri tjetër me një biznesmen. Por edhe lidhja me të nuk funksionoi dhe shumë shpejt ajo deklaroi se ishte single. Takimet me Fatjonin vazhduan edhe për disa kohë dhe vetë modelja pranoi publikisht se ata të dy vazhdonin të ishin miq të mirë, shkruan “Class”. Por mbreme në profilin e saj në SnapChat, Xhensila ka postuar një foto të re, që sinjalizon një dashuri. Dy duar me dy trëndafila, një i bardhë dhe një i kuq, shoqëruar edhe me zemra, janë sinjali i një dashurie të re?
