Jennifer Lopez është ndjerë tepër e lumtur që iu dha shansi të performonte së bashku me ish-bashkëshortin e saj Marc Anthony në skenë, më 27 gusht pasi sipas saj, fëmijët patën fatin të shohin prindërit e tyre të performojnë së bashku.
Këngëtarja dhe aktorja është e bindur se binjakët e tyre Max dhe Emme nuk e mbajnë mend kohën kur prindërit e tyre performonin së bashku kështu që koncerti në New York ishte një moment special për familjen.
“Ne nuk kemi performuar bashkë që prej 5 vitesh”, ka thënë ajo në një intervistë të dhënë së fundmi. “Ishte një moment i rëndësishëm pasi fëmijët nuk na mbajnë mend në skenë së bashku pasi kanë qënë të vegjël. Ishte e mrekullueshme. Ata ishin ulur aty dhe dëgjonin publikun që bërtiste. Ishte vërtet bukur”.
