“TURP TURP TURP…! Pashë koncertin në Vatikan në nder të Nënë Terezes…! Nuk thonë kot që peshku QELBET nga koka… Zonja e parë e Shqipërisë me pantallona e krahët jashtë. Një Zonjë tjetër me gjoks të hapur për mos të përmendur Kryeministrin e vendit tim e tëndit, pa kollare e me gjoks hapur… se vape, helbete! Pas këtyre s’po indinjohem me masat popullore në rrjeshtat pas “parisë” që më shume ishin në pazar të gjësë së gjallë sesa në një koncert në respekt të një prej SIMBOLEVE tona…! Fali NENE, se (E) dine ç’bëjnë!” Kështu e ka komentuar fotografi shqiptar i “Agjencisë europiane të fotove” (EPA) Armando Babani, paraqitjen e personazheve të famshëm shqiptarë, kryesisht të politikës, në ceremoninë e Shenjtërimit të Nënë Terezës. Sipas fotografit, veshja e përzgjedhur nuk ishte aspak e përshtatshme për rastin, duke nisur nga Zonja e Parë Odeta Nishani deri tek kryeministri. Madje ai e konsideroi të turpshme.
(fotografi Armando Babani)
