Gjithçka është gati për të filluar sonte garën për “Miss Kosova 2016”. Janë përzgjedhur vetëm 15 vajza nga më shumë se 200 aplikante, të cilat do të jenë pjesë e finales e cila do mbahet pikërisht në këtë të mërkurë. Në mesin e garuesve është edhe Camila Barraza nga Buenos Aires i Argjentinës. Kjo është hera e parë që në një garë bukurie në Kosovë merr pjese edhe një 23 vjeçare nga Argjetina. Në këtë edicion ka konkuruar edhe italiania Alison Paloma e cila pas ngjarjeve të fundit në Itali ka anuluar pjesëmarrjen. E veçanta e këtij edicioni ishte edhe “reality show”, një përmbledhje ditore e aktivitetit të vajzave që u transmetua çdo ditë në Klan Kosova, duke i dhënë kështu mundësinë publikut të njihen më mirë me konkurrentet. Por temë kryesore e këtij edicioni është fushata sensibilizuese për kancerin e gjirit, e cila nuk mbaron me shpalljen e Miss-it por do të vazhdojë 12 muaj. Përgjegjesi e Miss Kosova 2016, përpos pjesëmarrjes në Miss Universe do të jetë edhe realizimi i kësaj fushate 1 vjeçare. Këtë edicion, Kosova do të kurorëzojë bukuritë e tokës dhe universit. Do të ndahen dy kurora, ajo e Miss Earth dhe Miss Universe. Presim me padurim t’i njohim bukuroshet që do të na përfaqësojnë nëpër botë. Ato do të përzgjidhen sonte nga një juri e veçantë që të bukurën e njeh mirë. Anëtaret e jurisë do të jenë përkatësisht Miss Italia, Miss Danimarka, Miss Earth 2012 nga Republika Çeke, Miss Globe dhe Missi i parë i Kosovës. Sakaq produksioni ka dashur t’i mbajë surprizë numrat artistikë të shfaqjes duke na lënë kuriozë deri në nisjen e saj.
Dev by Techzero1.com