Calvin Harris më në fund ka thyer heshtjen dhe ka folur për herë të parë për ndarjen e tij me Tylor Swift. Madje deklarata e tij duket si një hakmarrje ndaj saj, duke vënë në pah se lidhja e tyre nuk ka qenë aq e bukur sa dukej.
Por e vërteta është se edhe pse dukej se Calvin ka qenë i bezdisur me Taylor se filloi një lidhje të re aq shpejt, ai nuk e fajson drejtpërdrejt atë se gjërat nuk shkuan mirë:
‘’Është shumë e vështirë që diçka që e konsideron personale kthehet në publike. Pasojat e kësaj lidhjeje janë bërë aq publike madje më shumë se sa vetë lidhja. Kur ishim bashkë kishim shumë kujdes që mos të bëheshim kryefjala e shtypit. Dhe në këtë aspekt ajo e respektoi këtë’’-është shprehur DJ.
Por lind pyetja, nëse gjërat nuk kanë qenë edhe aq keq, atëherë përse u ndanë pas 15 muajsh lidhjeje bashkë?
Edhe pse Calvin nuk i ka dhënë motivet e sakta ka lënë të nënkuptohet se marëdhënia mes tyre po bëhej aq publike saqë Dj nuk po e duronte dot më këtë gjë, kështu që i dhanë fund edhe pse pas ndarjes çdo gjë mori të tatëpjetën.
