Një anketim i ri ka zbuluar se pronarët e qenve janë më besnikë kur është fjala për lidhje në çift sesa pronarët e çdo lloji të kafshëve tjera. Illicit Encounters, uebsajt takimi për njerëz të martuar, sapo ka zbuluar se 10 për qind e mbi 700 anëtarëve të anketuar mbajnë qen, duke i bërë pronarët e qenve më të besueshmit nga të gjithë. Kjo është krejtësisht në kontrast me pronarët e maceve, të cilët besohet se janë më pak besnikë. “Veçse ekzistojnë studime shkencore të cilat pohojnë se mbajtja e një qeni, apo disa qenve, ju bën më të lumtur dhe më të shëndetshëm, por tani kësaj liste mund t’ia shtoni edhe besnikërinë”, ka komentuar zyrtari i sajtit në fjalë, Christian Grant. Pavarësisht se rezultatet e anketimit nuk janë të papritura, ato janë të rëndësishme, duke marrë parasysh se qentë janë ndër kafshët më të njohura shtëpiake.
Kjo është lista e cila tregon se pronarët e cilave kafshë priren të tradhtojnë:
-Pronarët e maceve (25 për qind)
-Pronarët e peshqve (16 për qind)
-Pronarët e kafshëve tjera/ ose nuk mbajnë kafshë fare (14 për qind)
-Pronarët e llojit të brejtësve hamster (13 për qind)
-Pronarët e lepujve (11 për qind)
-Pronarët e zvarranikëve (11 për qind)
-Pronarët e qenve (10 për qind).
