Ministri i Mirëqenies Sociale, Bledi Klosi, është kujdesur aq shumë për mirëqenien personale dhe familjare dhe për pak ajër deti këtë verë, saqë çdo fundjavë paparaci i “Panorama” e ka gjetur në plazhet e Jugut. Miqtë me të cilët ai dhe familja e tij kalojnë fundjavat, janë të shumtë. Nora, bashkëshortja e Klosit, punon në TV Klan dhe miqësitë mund t’i kenë të përbashkëta, prandaj Klosi dhe Nora shihen shpesh bashkë me familjen e Aleksandër Frangajt, me familjen e Blendi Fevziut, të Armand Shkullakut, si dhe të disa biznesmenëve të cilët kanë qenë gjithnjë miq me njëritjetrin, pavarësisht posteve. Javën e kaluar, në publikuam fotot e ministrit Klosi në një lojë volejbolli me deputetin demokrat Nard Ndoka, i cili, siç e dimë, tani ka kaluar në sektorin e vallëzimit. Ndërsa Klosi edhe këtë fundjavë nuk i është ndarë sportit. Ai ka luajtur me orë të tëra me dy djemtë e tij të vegjël, të cilët dukeshin shumë të kënaqur teksa argëtoheshin me babain e tyre.
