Arian Çani në “Zonë e lirë” kishte mbrëmë të ftuar Noizyn. Në një intervistë të gjatë ai e pyeti reperin për të gjitha lajmet e thashethemet që janë diskutuar deri më tani në media. Ndër to, edhe sherri me kolegen e tij Enca Haxhia. Noizy pranoi zënkën me Encën por i konsideroi ato thjesht keqkuptime mes tyre. Ai e quajti atë si motrën e vogël e gjithashtu e vlerësoi si këngetare duke u shprehur se nuk mund t’i prishë marrëdheniet me të pasi “keshtjella” mes tyre nuk mund të prishet aq lehtë. Ndërkohë vetë Enca ishte duke ndjekur gjithçka nga ekrani, dhe ka reaguar përmes “Snapchat”. “Ai po gënjen” shkruan me shaka këngëtarja në videon e Noizyt tek “Zonë e lirë”. Më tej edhe ajo shprehu të gjithë dashurinë për kolegun duke shënuar: “Gjithnjë do të mbetesh i preferuari”.
