Rob Kardashian dhe Blac Chyna kanë mësuar lajmin se janë në pritje të një vajze gjatë serisë së parë të “reality show” të tyre të ri “Rob & Chyna”.
Rob është shprehur se preferenca e tij ishte djalë në mënyrë që mbiemri i tij të trashëgohej nga i biri. Megjithatë 29-vjeçari është munduar ta fsheh zhgënjimin në momentin që doktoresha ka zbuluar se ai do të ishte babai i një vajze.
“Rob është vajzë”, thotë e emocionuar Chyna, e cila është nëna e një djali me ish të fejuarin Tyga. “Jam shumë i lumtur që fëmija është i shëndetshëm dhe jam po aq i lumtur që do të kem një vajzë”, është shprehur Rob gjatë një rrëfimi në programin e tyre “Rob & Chyna”.
Sigurisht që urimet për këtë lajm të bukur, Rob i ka marrë nga familja e tij e famshme ku Kim shkruan: “Eshtë një vajzë! Sa e bukur do të jetë”. Ndërsa Kris ka postuar një foto të çiftit bashkangjitur të cilit shkruan: “Eshtë një vajzë! E lumtur për Rob dhe Chyna. Po pres me padurim ardhjen në jetë të vogëlushes së tyre”./Top Albania Radio
