Ish-finalistja e “Big Brother 8”, Xhensila Pere më në fund bën realitet ëndrrën e saj. “Forwedding” është eventi më shick i botës së nuseve dhe ka bërë pjesë të tij vajzën simpatike shqiptare. Xhensila e zgjedhur në vitin 2014 në Londër si një ndër 15 vajzat me trupin më të bukur në të gjithë botën, vazhdon të ketë jehonën e saj me po të njëjtin intensitet si një vit më parë, shkruan “Bluetooth”. “Jam shumë e lumtur, është ëndrra ime e bërë realitet tashmë”, është shprehur ajo. Eventi do të mbahet në Romë, në datën 19 nëntor. Megjithatë ky udhëtim do të jetë edhe më domethënës për vajzën nga Pogradeci. Në rrëfimin për “Bluetooth”, Xhensila habit të gjithë teksa shprehet se do ta shoqërojë Fatjoni. “Në Itali do të iki me shokun tim më të mirë, Fatjonin”, është shprehur Xhesi, duke nënkuptuar se mes tyre ka diçka më shumë sesa miqësi. “Ne jemi miq që mbahemi për dore, Fatjoni do të vijë të më shohë mua në sfilatën me fustane nusërie. Unë kam qenë gjithmonë për bashkëjetesë, por kur të më shohë Fatjoni me fustan nusërie, ndoshta e bind edhe për martesë”, ka përfunduar bukuroshja.
