Një ditë pas krimit në Pogradec, autori ka pranuar se ka qenë ai që e ka ekzekutuar me armë 17-vjecarin Fabio Hila. Autori F.M ka treguar detaje nga gjithë sa ndodhi dje në një lokal në Pogradec, finalizuar me vdekjen e adoleshentit. Burime për “Panorama” bëjnë me dije se ai ka thënë se armën e krimit e mbante të groposur në një vend jashtë shtëpisë dhe dje, pas sherrit e nxori që aty dhe e mori me vete. Ai tregon se me Fabion ishin zënë për një femër në Facebook dhe më pas edhe në telefon. Sherri i fundit ishte bërë në telefon, ku u shanë me fjalë fyese. “Mora armën dhe shkova i vetëm në lokalin ku ishte ai dhe e vrava” – ka thënë autori.
