Gazetari investigativ Artan Hoxha mbrëmjen e djeshme në studion e emisionit “Opinion” bëri publike disa materiale filmike të realizuara në zonën e Devollit në Korçë ku tregoheshin parcelat me kanabis, që sipas dëshmive ishin nën mbrojtjen e efektivëve të policisë së zonës. Hoxha tregoi se informatori i tij pak muaj pas filmimeve ishte ekzekutuar dhe ende ngjarja nuk ishte zbardhur. Por menjëherë pas emisionit Hoxha u thërrit në Prokurorinë e krimeve të Rënda ku për tre orë u mor në pyetje rreth kësaj ngjarje. Në orët e para të mëngjesit teksa dha dëshminë gazetari Hoxha reagoi me anën e një shkrimi në rrjetet sociale ku hedh shumë hije dyshimi se ai mbrëmjen e djeshme mund të jetë kërcënuar për të mos folur.
Shkrimi i gazetarit Hoxha
“Miku im, disa histori janë tepër të vërteta për tu treguar”…..
Këto fjalë një zyrtar i lartë i Uashingtonit, do t’ia thoshte gazetarit investigativ Gary Webb, fitues i çmimit Pulitzer për zbulimin e përfshirjes së CIA-s, në trafikun ndërkombëtar të kokainës, financimin me paratë e trafikut të drogës të guerriljeve kontras në Nikaragua dhe shitjen e narkotikëve afroamerikanë, në lagjet e varfëra në Los Angeles….
Në fakt kur e mendon nuk e ka patur keq…./Express
