Gjetja e punës menjëherë pas përfundimit të studimeve dhe mbajtja e asaj pune deri në momentin e daljes në pension i përket vetëm së shkuarës. Në ditët e sotme, ndryshimi i vendit të punës dhe përqafimi i mundësive gjithnjë e më të mira është kthyer në tendencë.
Më poshtë do të gjeni 8 mënyra për të kërkuar një punë të re
1. Rrjeti
Amerikanët kanë qenë të parët që kanë folur për “tregun e fshehur të punës”. Sipas këtij termi, jo të gjitha vendet e lira të punës publikohen në kanalet zyrtare. Këto vende pune mund të merren vesh vetëm nëpërmjet fjalëve që mund të përhapen nga të njohur ose ai që njihet ndryshe si “rrjeti”.
2. Rekomandimet
Në Itali, praktika e rekomandimeve shoqërohet shpesh me tentativën e një partie “për të hequr qafe” palën tjetër, në sajë të mbështetjes së një politikani të fuqishëm.
Në këtë rast, bëhet fjalë për rekomandimet që mund t’ju japin eprorët tuaj për ecurinë në punë.
3. Faqe të ndryshme online
Faqet e ndryshme online në internet janë padyshim një prej kanaleve më të përdorura për të gjetur punë këto vitet e fundit. Përveç tyre, njerëzit po përdorin edhe rrjetet sociale, të tilla si Linkedin, në të cilin kanë mundësi të vendosin CV-në e tyre.
4. Panairet e punës
Panairet e punës janë një tjetër mundësi shumë e mirë për të kërkuar punë. Aty çdokush ka mundësinë që në të njëjtin vend mund të takojë punëdhënës nga kompani të ndryshme.
5. Faqe online për punësimin
Një mjet tjetër i mirë janë edhe faqet online për punësimin. Ato kanë një procedurë shumë të thjeshtuar aplikimi, sepse ju në bazë të profesionit që keni zgjidhni pozicionin vakant që ju përshtatet më shumë.
6. Kandidatura spontane
Edhe nësë një kompani e caktuar nuk ka publikuar njoftim për vend të lirë pune, ju mund të dërgoni CV-në tuaj në atë kompani ku jeni të interesuar dhe mbase ku i dihet fatit.
7. Agjenci rekrutimi
Nëse jeni në kërkim të një pune të re, një alternativë e mirë është edhe regjistrimi në agjencitë e rekrutimit. Ata do të hapin një dosje me të gjtiha të dhënat tuaja profesionale dhe do t’ju njoftojnë për çdo pozicion të lirë pune që i përshtatet profilit tuaj.
8. Mënyra kreative
Një tjetër mënyrë efikase për të kërkuar punë është edhe përdorimi i rrjetit social të Facebook-ut në të cilin ju mund të hidhni video të ndryshme apo imazhe që ju prezntojnë më së miri si ju ashtu edhe punën tuaj./opinion.al
