Rudina Magjistari kishte të ftuar sot në programin e saj, stilisten Bora Kokëdhima, vajza e ish-deputetit Koço Kokëdhima. Ajo rrëfeu në studio detaje nga ceremonia e fejesës që u bë disa ditë më parë, dhe tregoi për të fejuarin të cilin deri më tani e ka mbajtur “të fshehur” Fejesa ime nuk ishte e papritur ndonëse partneri më propozoi. Kemi 1 vit e gjysmë bashkëjetesë. Ai quhet Olsi dhe nuk ka fare lidhje me artin dhe jetën publike. Ka mbaruar për ekonomi. Jemi shumë të ndryshëm. Ai është i qetë, i matur dhe motrat e mia e thërrasin “paqja që ecën”. Ai bën stabilizatorin tek unë e më ndihmon shumë, duke qenë unë një natyrë krejt tjetër. Unë gjithnjë kam qenë shumë familjare dhe jam mësuar të përkushtohem në familje, pavarësisht se kam jetuar vetëm. Unë dhe Olsi e kemi marrë me shumë seriozitet dhe përkushtim jetën tonë bashkë. Jemi të lirshëm e nuk vuajmë nga xhelozia. ”, u shpreh stilistja. Rudina e pyeti se si i ka bashkëshorti i saj i ardhshëm raportet me të atij dhe Bora zbuloi: “Me babin ka një marrëdhënie të përsorur. Është shumë i lumtur e i pëlqen shumë familja e tij. Nganjëherë duket sikur e do më shumë se mua”. Sa i takon detajeve të fejesës nga unaza e deri tek ambienti ku u bë darka, stilistja nuk u kursye në përshkrim. “Unazën e fejesës shkova ta shihja vetë dhe lashë mënjanë disa modele. Olsi zgjodhi këtë që kam në gisht. Është një unazë me 1.2 karatë diamant dhe 4 gramë ar. Kemi bërë edhe “ndërrim nishanesh” dhe e shijova shumë. Ceremonia e fejesës u bë në një ambient me qira në Dhërmi. Ishte shumë e bukur dhe kishte shumë lidhje me nënën natyrë. Ishte e vështirë pjesa e stafit që do të vinte nga Tirana dhe akomodimi. Ndaj unë vetë u lodha shumë por doli çdo gjë siç e doja dhe e shijova shumë në çdo çast”, tha ‘live’ në Tv Klan vajza e Koço Kokëdhimës.
