Në plazhin Venice në Kaliforni të SHBA, themeluesi i Snapchat, 26 vjeçari Evan Spiegel mbajti një konferencë për media ku prezantoi pajisjen e parë teknologjike të zhvilluar nga kompania që ai drejton:
Këto janë syzet e quajtura Spectacles.
I cilësojnë pajisje teknologjike, sepse këto syze janë të pajisura me kamera e cila regjistorn klipe nga 10 sekonda sa herë shtypni butonin e integruar në këto syze.
Kamera e përdorur në Spectacles ofron një kënd shikimi prej 115 shkallë që është i përafërt me pamjen e natyrshme me sytë tanë.
Ideja e këtyre syzeve është që të lironi duart kur bëni video me telefon apo pajisje tjetër, shkruan “Opinion”. Pra ju mund të bëni video dhe në të njëjtën kohë të luani me qen apo mace, ose veprime tjera.
Këto video do të postohen në llogarinë tuaj në Snapchat.
