Nëse vuani nga problemet e lëkurës si: aknetë, njollat e errëta, alergjitë nga dielli apo shfaqja e rrudhave, ju nuk duhet të shqetësoheni më. Përbërja e përgatitur në shtëpi me bazë majdanozin, kombinuar me lëng limoni ose uthull molle, do t’ju ndihmojë të keni një lëkurë të bardhë dhe fytyrë të pastër.
Në kozmetikë, majdanozi ka qenë gjithmonë i njohur për vetitë e tij zbardhuese dhe rigjeneruese. Ai ka aftësinë për të eleminuar aknet, skuqjet e fytyrës, zbardhjen e lëkurës duke i dhënë asaj freskinë dhe toanlitetin e duhur.
Ne ju sugjerojmë një recetë të thjeshtë natyrale me majdanoz që ju të keni mundësinë ta përdorni çdo ditë.
Përbërësit:
1 lugë çaji lëng limoni ose uthull molle
2 lugë gjethe majdanozi të copëtuar
200 ml ujë
Përgatitja:
Si fillim vëmë ujin në zjarr të ziejë. Shtojmë majdanozin e copëtuar dhe e lëmë të ziejë për rreth 15 minuta. Më pas pasi të jetë krijuar një masë kremoze , e largojmë nga zjarri dhe e lëmë të ftohet. Pasi të ftohet, i shtojmë lëngun e limonit ose uthullën e mollës. Hidheni atë në një enë qelqi dhe dhe mbajeni në frigorifer.
Përdorimi:
Ju duhet ta përdorni këtë krem natyral në mëngjes dhe në mbrëmje, duke e aplikuar në fytyrë . Mund të ndihmojë edhe në zhdukjen e pikave të zeza duke e bërë fytyrën më të ndritshme. Ju do të mund të vëreni dallimin pasi e keni përdorur për një muaj në mënyrë të rregullt/Revista Shije.
