Pas supergjobave për vendosjen e rripit, Policia Rrugore propozon të tjera supergjoba për drejtuesit e mjeteve.
Siç shkruan ditën e sotme Panorama, do të propozohet dhjetëfishimi i gjobave për ata që kapen duke folur në telefon në kohën që janë duke udhëtuar me makinë.
Aktualisht një shofer që kapet në telefon gjobitet nga 500 deri në 1500 lekë të reja. Por rrugorët propozojnë që këto gjoba të bëhen nga 5 deri në 15 mijë lekë të reja, aq sa është edhe për mos vendosjen e rripit.
Sipas rrugorëve nga studimet e bëra një shofer që flet në telefon është 4 herë më i rrezikshëm se një shofer tjetër që nuk flet në telefon.
