Ndodh shpesh që shumë prej personazheve publike kanë emër tjetër nga ai që njeh publiku, por me Bleonën është ndryshe. Emri i saj në të vërtetë nuk është emër i zakonshëm Bleona. E ftuar në programin “Xing me Ermalin” në Tv Klan, ajo zbuloi se emri i saj është bashkim emrash nga familja. E pyetur nga Ermali nëse është ajo Bleona e parë pas së cilës morën emrin të gjitha vajzat, ajo tha se i ati e kishte pagëzuar me këtë emër duke bashkuar emrat e tri anëtarëve të familjes së saj, Bledar (vëllai), Olimbi (nëna) dhe Nazmi (babai).
Dhe pasi tregoi simbolikën e emrit, Bleona tha se për 22 vite karrierë, mediat ia kanë shkruar gjithmonë gabim mbiemrin: “Kam 22 vite karrierë dhe akoma edhe sot dëgjoj Bleona Qerreti. E kam Qereti, me një R, jo me dy R. Po jua them për të fundit herë…” – tha Bleona në Xing.
