Kur shohim çifte të dashuruarish rreth e rrotull menjëherë pyesim veten se kur do të jetë momenti që do të debatojnë së paku një herë për çështjen e tradhtisë.
Ne njohim të paktën një person i cili tradhton apo tradhtohet nga partneri apo partnerja. Edhe çiftet më të suksesshme që kanë arritur të jenë besnikë për një kohë të gjatë, të paktën kanë debatuar apo janë futur në konflikt si pasojë e mungesës së besimit apo dyshimit për një tradhti të mundshme.
Nëse do të mundoheshit të sillnit në mendje të paktën një çift që ju e dini me siguri se kanë ndenjur besnikë të njëri-tjetrit, me shumë mundësi do të ishte shumë e vështirë.
Por akoma më e çuditshme se fakti që nuk na vjen në mendje një çift që nuk kanë probleme me tradhtinë është se si ka mundësi që as nuk çuditemi më me këtë, por thjesht e quajmë normale.
Mos ndoshta ne po e pranojmë tradhtinë shumë thjesht?
Edhe nëse ju e pranoni ose jo tradhtinë si fenomen, besojmë se e mendoni se tradhtia nuk është më një tabu në normat shoqërore.
Sipas një studimi nga eksperti Paul Hermez, në 50 vitet e fundit përqindja e çifteve që nuk tradhtojnë asnjëherë njëri-tjetrin ulet gjithmonë e më shumë.
Në Francë, 55% e meshkujve dhe 33% e femrave kanë pranuar se e kanë tradhtuar partnerin e tyre dhe nuk përfundon këtu sepse vetëm 47% e meshkujve e shohin tradhtinë si moralisht të papranueshme, ndërsa pjesa tjetër mendon se tradhtia është thjesht në natyrën njerëzore.
Përgjigjet që japin personat që mendojnë se tradhtia është diçka normale, më së shumti janë: “Cili ligj thotë se duhet të duash një person gjithë jetën?” dhe “Cili mund të të ndalojë të shkosh për të kaluar një eksperiencë me dikë tjetër dhe të eksperimentosh?”. Shumë prej tyre madje mendojnë se ky është shekulli i “revolucionit të seksit”. Duke qenë se njerëzit kanë qenë shumë të mbyllur ndaj komunikimit të seksit dhe eksperimentimit me të, sepse këto kanë qenë të ndaluara nga zakonet dhe morali, është bërë mjaft normale që tradhtia të kthehet në thyerje të tabusë.
Pra, është duke u bërë tradhtia diçka krejt normale? Kjo nuk mund të thuhet por është e vërtetë që ka një mungesë besimi te të gjithë kur flitet për një marrëdhënie që do të zgjasë gjithmonë dhe çdo herë që njohim një çift që ka shumë vite bashkë dhe nuk ka pasur probleme tradhtie, na vjen të duartrokasim, sepse ky fenomen është shumë i rrallë. /Blitz.al/
