Aktorja Nurgul Yesilcay, e cila njihet për rolin e ‘Gylserenit’ nga seriali “Fate të kryqëzuara” (“Paramparça”), nuk është e njohur për ekspozimin e tepruar të trupit të saj.
Ka pasur raste kur, ajo ka treguar pjesë të trupit, mirëpo është kujdesur që gjithmonë të ketë të veshura të brendshme.
Mirëpo, pozimi i saj për revistën Tempo, në shikim të parë duket se thyen vendosmërinë e aktores për të mos qenë tejet provokuese.
Ajo shfaqet krejtësisht e zhveshur, teksa mbi trup ka vetëm një pallto, ndërkohë që me duar dhe me këmbë mbulon pjesët e intime.
Sidoqoftë, një fotografi e realizuar pak para imazhit të ballinës së kësaj reviste, tregon se ‘Gylsereni’ megjithatë ka të veshura të brendshme, njofton Telegrafi.
Duket se gjithë punën për ta bërë Yesilcayn të duket sikur është nudo, e kanë kryer dizajnerët, pasi duke intervenuar me Photoshop “ia kanë hequr të gjitha rrobat”.
