Balerina e famshme shqiptare, Klaudia Pepa, duket se nuk ka të ndalur me sukseset që po përjeton në karrierën e saj. Së fundmi, siç ishte lajmëruar dhe disa kohë më parë, ajo ka përuruar shkollën e saj të baletit në Milano, nën kujdesin dhe bekimin e koreografit të njohur të “Amici”, Garrison Rochelle. Gjatë momentit të përurimit të “Klaudia Dance Academy”, pasi koreografi Garrison Rochelle ka prerë shiritin, Klaudia nuk i ka mbajtur dot lotët nga emocioni. Por bashkë me të, edhe profesori i “Amici”, me gjithë eksperiencën e gjatë edhe me emocionet e skenës dhe ekranit. Redaksia e Who i uron Klaudiës suksese të mëtejshme.
