TV / “Top Show Magazine” nga nesër me dy opinionistë të rinj, ikin Valer Kolnikaj dhe Sara Kapo

Programi i të premtes mbrëma në “Top Channel” – “Top Show Magazine”, këtë vit ka vendosur t’i ndryshojë opinionistët një muaj pas nisjes, në ndryshim me çfarë ka ndodhur në edicionet e shkuara ku opinionistët e zgjedhur kanë qëndruar deri në fund të sezonit. Kështu Valer Kolnikaj dhe Sara Kapo nuk do të ulen më në poltronat e ‘ngacmuesve’ të të ftuarve krah Alban Dudushit, raporton “revistawho.com“. Në vend të tyre do të jetë një dyshe tjetër, për të cilën nuk mësohen detaje. Nuk e dimë në kjo formulë do të aplikohet përgjatë gjithë sezonit, apo “Top Show Magazine” do të vijojë kështu derisa të gjejnë dyshen që i shkon për shtat formatit.