Ditë më parë, lajmi që Adelina Ismaili është shtatzënë ka qenë padyshim kryefjala e shtypit rozë. Adelina dhe partneri i saj Vali, pas disa vitesh lidhje presin fëmijën e tyre të parë. Këtë lajm e ka konfirmuar motra e Adelinës, Ema, e cila bashkë me Zanfinën presin me padurim të bëhen teze.
“Jam gëzuar shumë nga ky lajm për Adelinën”, është mjaftuar të thotë për “Bluetooth” Zanfina, duke mos rrëfyer për gjininë e fëmijës që së shpejti do të vijë në jetë.
Megjithatë vlen të theksohet, se fëmija i parë në familjen Ismaili po vjen në kohën e duhur, pas humbjes së nënës së tyre, Mona. Periudha e dhimbshme e jetës së motrave Ismaili do të kurohet së shpejti me ardhjen e një jete të re.
