Kënga e padëgjuar e Ledri Vulës, kush e hodhi ilegalisht në internet?

Ledri Vula ka qenë një nga reperet më aktivë të kësaj vere, duke publikuar shumë hite muzikore. “Beautiful”, “Nuk ma la”, “Messi” etj. janë disa nga këngët që reperi nga Kosova ka hedhur në treg së fundmi dhe që janë pëlqyer nga publiku. Por lajmi.net ka postuar sot audion e një kënge të re të tij, e cila është hedhur ilegalisht në internet. Reperi ka treguar se kjo nuk është kënga që ai pritet të publikojë së shpejti, andaj dhe nuk e ka fshirë nga interneti. Nuk dihet ende kush e ka postuar këtë projekt të ri muzikor të këngëtarit, por mesa duket ky fakt nuk përbën problem për të. Për të gjithë fansat e tij më poshtë gjeni linkun e këngës, ndërsa flitet se projektin e radhës reperi nga Kosova do ta realizojë me kolegun dhe mikun e tij, Vig Poppa.