Një aktor i njohur i Hollivudit mendohet se është diagnostikuar me SIDA, shkruan The Sun, por pa përmendur asnjë emër.
Portali britanik bën të ditur se bëhet fjalë për një nga ata njerëz të famshëm që ka pasur lidhje me mjaft femra të njohura, si aktore apo modele.
“Lista e lidhjeve të këtij aktori përfshin edhe aktore që kanë fituar shumë çmime, personalitete të njohura të Hollivudit, një yll televizioni, personalitete të medias dhe mjaft modele”, raporton The Sun.
Ky artikull vjen pak ditë pas atij të Radar Online javën e kaluar, i cili tha se aktori është duke u përgatitur për një betejë ligjore nga femrat që ka pasur që pretendojnë se ato janë vendosur në rrezik.
