Vedat Ademi është një nga këngëtarët shqiptarë më të pëlqyer nga publiku shqiptar. Ai njihet për stilin e tij të veçantë të të kënduarit. Si të gjithë artistët, edhe Vedati ka disa këngëtarë të preferuar dhe njëri prej tyre është Gavin DeGraw.
Duket se një nga ëndrrat e këngëtarit është plotësuar ditët e fundit pasi ai e ka takuar nga afër DeGraw-në. Përveçse një shembull për t’u ndjekur, Ademi i këndon shpesh në koncerte këngët e tij. Pak minuta më parë, këngëtari ka postuar një foto në llogarinë e tij të Facebook ku shfaqet bashkë me artistin amerikan teksa ka ndjekur nga afër një nga koncertet e tij.
“Ëndrra ime u bë realitet. Takova personalisht Gavin DeGraw. Një koncert fantastik dhe një artist fantastik! E dua muzikën e tij dhe përpiqem të bëj më të mirën sa herë i këndoj këngët e tij në Shqipëri”,- shkruan Vedati në Facebook./Blitz.al/
