Pas ngjarjes së frikshme që i ndodhi, Kim dhe bashkëshorti i saj, reperi i njohur Kanye West, kanë menduar që të rrisin masat e sigurisë në shtëpinë e tyre. Ata po planifikojnë të ndërtojnë një dhomë brenda rezidencës 20 milion dollarëshe, e cila do të ketë një siguri maksimale, njëjtë si ato të zyrtarëve qeveritare të vendeve të shkatërruara nga lufta. Dhoma do të ketë një sistem që do të jetë në gjendje ta mbrojë nga zjarri si dhe nga tërmetet deri në 7 ballë. E gjithë kjo është menduar të bëhet për t’i ardhur në ndihmë Kimit pasi është duke vuajtur shumë pas grabitjes me armë që i ndodhi në Paris, shkruan “Panorama”. Sipas burimeve të afërta thuhet se ajo po vuan nga kriza paniku dhe nuk arrin të bëj një gjumë të qetë, duke u frikësuar nga ndonjë grabitje apo rrëmbim tjetër. Gjithashtu mësohet se ajo është nën kujdesin e vazhdueshëm të një psikologu. Siguria do të rritet edhe në pjesët e tjera të shtëpisë si dhe tek anëtarët e familjes e kryesisht tek dy fëmijët e çiftit Kim e Kanye.
