Maurizio Costanzo pas shumë vitesh si drejtues programesh, në moshën 78-vjeçare ka bërë një bilanc të jetës së tij profesionale e private. Në një intervistë të fundit ai është shprehur se ndihet i përmbushur për arritjet e tij. “Jam një burrë që kam arritur në një farë moshe, me shëndet të plotë. Dhe ky është fat. Mërzia është një gjë konstante në jetën time, bashkë me melankolinë. S’mund të bëj asgjë për këtë. Vetëm pushimet në det më bëjnë të ndihem mirë’, ka thënë ai. Costanzo ka folur edhe për marrëdhënien e tij me gruan, ikonën e televizionit italian, Maria De Filippi. Ai ka deklaruar se Maria është thelbësore në jetën e tij: “Shkëmbejmë shpesh këshilla. Në shtëpi bëjmë shaka, shlodhemi. Unë dhe im bir Gabriele darkojmë bashkë dhe e presim, pasi Maria është thuajse gjithnjë vonë. Dikur ishte ajo që më priste mua. Kaluan 25 vjet me të, pa u ndjerë fare. Kam besim tek Maria. Pavarësisht distancës së moshës, midis meje dhe asaj ishte një takim i lumtur. Kudo të ndodhet, ajo e di që kur të vdes dua t’i shtrënoj dorën. Ia kemi premtuar njëri-tjetrit”.
